А.Баталов талдықорғандық балалар үйінің тәрбиеленушілерін Жаңа жыл мерекесімен құттықтады (ФОТО)
«Құрметті балалар! Сендерді келе жатқан Жаңа жылдарыңмен құттықтаймын! Денсаулықтарың мықты, көңілдерің көтеріңкі болсын. Мемлекет басшысы Нұрсұлтан Әбішұлы Назарбаев сендерге қамқорлық жасауға, мейірім мен жылылықты сезініп өсулеріңе, қоғамның тең мүшесі болуларыңа барлық мүмкіндіктерді жасап отыр. Өлкеміздің гүлденуі, тұтас Қазақстанның өсіп-өркендеуі сендерге, жас буын өкілдеріне тікелей байланысты», - деді облыс әкімі А. Баталов балаларға арнаған сөзінде.
Мереке қарсаңындағы кездесу шырша мерекесіне ұласып, балаларға сыйлықтар тапсырылды. Өңір басшысы балалар үйіне теледидар, балаларға арналған кітаптар мен тәттілер ұсынды. Айналайындықтар алғыстары ретінде облыс басшысына балалар үйі түлектерінің қолөнер шеберлігімен дайындалған бұйым мен фотосуреттер жапсырылған альбомды сыйға тартты.
