ІІМ-де ақпаратқа қолжетімділік туралы заңды жүзеге асыру барысы талқыланды
Кеңес барысында ұйымдастырушылық және практикалық шараларды пысықтау жөніндегі жұмыс тобын құру мәселелері, ІІО интернет-ресурстарында ақпараттарды орналастыру және толықтыру бойынша жауаптылықтың артуы, сонымен қатар ІІМ және аумақтық бөліністердің ведомстволық интернет-порталын жаңарту қажеттілігі туралы мәселелер қаралды.
«Сонымен қатар Ішкі істер министрінің бірінші орынбасары Марат Демеуов ішкі істер органдары қызметінің ашықтығын қамтамасыз ету бойынша жұмысты белсендіру, «Ақпаратқа қол жеткізу туралы»Заңның талаптарына сәйкес ведомстволық порталдың форматы мен құрылымын жаңғырту қажеттігін атап көрсетті», - делінген хабарламада.
Кеңестің қорытындысы бойынша бірқатар ұсыныстар, оның ішінде ІІМ-нің интернет-ресурстарына орналастырылатын ақпараттар тізімінің қажеттілігі, сонымен қатар ақпараттық өзектілігінің мерзімі туралы ұсыныстар қабылданды.
