Жаңаөзен қаласында мереке қарсаңында 640 орындық екі балабақша ашылды (ФОТО)
31 Желтоқсан, 2015 11:37
Жаңаөзен қаласында Жаңа жыл қарсаңында екі балабақша пайдаланылуға берілді, деп хабарлады Маңғыстау облысы әкімдігі.
Жаңаөзен қаласы Рахат ауылында бүлдіршіндер үшін 320 орынға есептелген жаңа балабақша есігін айқара ашты. Екіқабатты мектепке дейінгі мекемеде балалардың күтімі үшін барлық жағдай жасалынған.
Оның ашылуымен жергілікті 84 тұрғын тұрақты жұмысқа орналасты. Бүгінде жаңа балабақшада 4 топ жұмыс істейді.
Сонымен қатар, дәл осы күні Жаңаөзен қаласының «Арай» шағын ауданында тағы бір 320 орындық «Шапагат» балабақшасы ашылды. Онда 16 топ бар. Бұл нысанның ашылуы 40 адамды тұрақты жұмыс орнымен қамтыды.
