• Басты
  • 2015 жылдың қорытындысы: Түлкібас ауданының шаруалары 2 мың тонна алма жинады
30 Желтоқсан, 2015 19:28

2015 жылдың қорытындысы: Түлкібас ауданының шаруалары 2 мың тонна алма жинады

Жыл басынан бері Түлкібас ауданының шаруалары 2 мың тонна алма жинады, деп хабарлады ОҚО әкімдігі.
2015 жылдың қорытындысы: Түлкібас  ауданының шаруалары 2 мың тонна алма жинады

Жыл өткен сайын еліміздің дамуымен бірге Түлкібас ауданында ел игілігі жолында ауқымды жұмыстар атқарылуда. Көгілдір отын мен ауыз су мәселелері оң шешімін тапқан ауданда 2015 жылы кәсіпкерлік, білім, ауыл шаруашылығы, туризм салалары қарқынды түрде дамыды.

Елбасы Н. Назарбаевтың «әрбір өңір басшысы елімізге инвестиция тартып, жұмыс орындарын ашсын» деген тапсырмасына орай, аудан әкімі Қ.Абдуалиев Польша мен Түркия елдеріне жұмыс сапарымен барып қайтқан болатын.

Нәтижесінде, Польша мен Қазақстан арасында өнімді алма бақтарын құру туралы меморандум түзіліп, бүгінде Түлкібас ауданындағы 500 гектарға алма ағашы отырғызылды. Осылайша, аудандағы 2300 гектар алма бауы ұлғайып, көлемі 2800 гектарға жетті. Аудандағы өнім беретін алма бақтарынан түлкібастық шаруалар 2 мың тоннаға жуық жеміс жинаған.

Жыл қорытындысына сай, кәсіпкерлікті қолдау бойынша екінші деңгейлі үздік әкімдік аталымына ие болған Түлкібас аудандық әкімдігінің жүйелі жұмыстарының арқасында өтіп бара жатқан жылда мұнда 4 кәсіпорын іске қосылды. Атап айтсақ, олар - түрлі нан өнімдерін шығаратын «Түлкібас нан», 6 түрлі сусын шығаратын «Кристал-су», алма өнімдерінен сусындар шығаратын «Арсен-ас» және «Бәйтерек-4» кәсіпорындары.

Табиғаты тамаша аймаққа келуші туристер саны да артып келеді. Осы жылы тау бөктерінде орналасқан «Таң нұры» демалыс аймағында саумалмен емдеу-сауықтыру орталығы және таза бұлақ бойларынан екі демалыс аймағы ашылып, туризм мен кәсіпкерліктің дамуына жол ашты.

Аудандағы шағын және орта бизнестің өкілдері табыс кілтін өзге де салалардан іздестіріп, теңіздің ащы суында өмір сүретін бекіре балығын бұлақ суында өсіріп, алғашқы уылдырығын сатылымға шығара бастады.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды