2015 жылдың қорытындысы: «ҚХА – 20 игі іс» жобасы аясында 355 753 адамға көмек көрсетілді

«Қамкор» акциясының барысында ардагерлерге, тыл еңбеккерлеріне, аз қамтылған отбасыларға 413 млн. теңге сомасына көмек көрсетілді. «Менің Қазақстаным» поезі» акциясына 920 мыңнан астам азамат қатысып, 50 мыңнан астам адамғамедициналық жәрдем көрсетілді. «Мейірімділіктен - бірлікке» акциясының аясында қан онкологиясына ұшыраған 300-ден астам бала 41 млн. теңгеге көмек алды», - деп хабарлады ҚХА-ның баспасөз қызметі.

Ал, 27 қарашада 1 200-ден астам адам қатысқан  Қайырымгерлердің бірінші съезінде қайырымдылық жұмысының қорытындысы шығарылып, онда республикалық «Қайырымдылық керуені» акциясы бастау алды.

«ҚХА жылы елдің әлеуметтік-экономикалық дамуына этностардың белсене қатысқан жылы болды. Ассамблея этномәдени бірлестіктер арасында «Мейірімділіктен - бірлікке» ең үздік әлеуметтік жобасына,  «Жаңа ойлар табысқа жетелейді» ең үздік инновациялық жобасына, еңбек әулеттері арасында «Армандаған мамандық» жобасына  конкурстар өткізді», - деп Ассмаблеядан атап өтті.

Сонымен қатар, Ассамблея жылы қазақстандық этностар үшін мемлекеттік тілді игеру жылы болды. «Мың бала» жалпыұлттық мәдени-ағатушылық жобасы аясында 235 мыңнан астам бала қамтылған 7863 іс-шара өткізілді. 44 мыңнан астам бала мемлекеттік тілді оқып-үйренді.