• Главная
  • А.Красников: А.Айымбетовтың сапары Қазақстан мен Ресей Президенттерінің арасындағы өзара түсіністіктің нәтижесінде жүзеге асты
4 января, 2016 13:51

А.Красников: А.Айымбетовтың сапары Қазақстан мен Ресей Президенттерінің арасындағы өзара түсіністіктің нәтижесінде жүзеге асты

Біздің бірлескен жобаларымыз болашақта жаңа серпін алып, дами түседі деген үміттемін, оның нәтижесі Қазақстан адамдарының өмір сүру деңгейін жақсарта түспек. Бұл туралы Strategy2050.kz АА берген сұхбатында РФ Федералды ғарыш агенттігінің өкілі Анатолий Красников мәлімдеді.
А.Красников: А.Айымбетовтың сапары Қазақстан мен Ресей Президенттерінің арасындағы өзара түсіністіктің нәтижесінде жүзеге асты

«Құрметті әріптестер, қымбатты қазақстандықтар! Ресей Федерациясының зымыран-ғарыш саласының атынан жаңа 2016 жылмен құттықтаймын! 2015 жылды еске ала отырып, біздің елдер үшін ғарыш саласында толағай табысқа қол жеткізілді деп айтуға болады. Ғарыш саласындағы өзара байланыстың ең жарқын сәттеріне тоқталғым келеді. Бірінші кезекте, 2015 жылдың 2-12 қыркүйегінде жүзеге асқан ғарышкер Айдын Айымбетовтың ғарышқа сапар шегуі. Бұл туралы көп айтылды, талқыланды. Менің айтпағым, бұл сапар екі елдің Президенттерінің өзара түсіністігі мен ынтымақтастығының нәтижесінде орын алып отыр», - деді ол.

Роскосмостың өкілі айтқандай, 2015 жылдың қорытындысы бойынша Қаақстан мен Ресейдің екіжақты ынтымақтастығында, ғарыш саласында  толағай табыстарға қол жеткізілді.

«Тағы бір сәтті жобаларымыздың бірі КаzSаt-3 телекоммуникациялық жүйенің әзірленуі болды. Осы уақыттан бастап Республикалық ғарыш желісінің орталығы коммерциялық жүзеге асырылуын қамтамасыз етеді. Сондай-ақ, «Байқоңыр» кешенінде белсенді диалогтар жүргізілді. Біздің ынтымақтастығымыз бойынша бірқатар мәселелер шешіліп, кеңейе түсті. Біздің бірлескен жобалар жаңа жылда жаңа кеңістікке ие болып, жүзеге белсенді асады деген үміттемін», - деді Анатолий Красников.

Данияр Қасымов