Арнайы экономикалық аумақтардың азы ғана өздеріне салынған қаржының шағын бөлігін қайтарады – М. Бортник
«Ағымдағы жылдың қаңтар айында «Арнайы экономикалық аумақтар туралы» Заңға, «Салық кодексіне» экономикалық аумақтардың басымдықты түрлеріне толықтырулар енгізілді. АЭА аумақтарына ірі инвестициялардың салынуын қамтамасыз ету үшін, заңнамалармен аталмыш жобаларды жүзеге асыруға негіздері және тәжірибелері бар кәсіпкерлерге ғана осы қызметпен айналысуға мүмкіндік беретін шаралар нақтыланды. Заңнамаларға АЭА жұмысын жетілдіру және жақсарту мақсатында бірқатар өзгертулер енгізілді, бірақ Мемлекет басшысы айтып өткен жағдай сол, бүгінде жұмыс істеп тұрған 10 арнайы экономикалық аумақтың аз бөлігі ғана өздеріне салынған қаржының шамалы бөлігін ғана қайтарады, көп жобалар тек қағаз жүзінде қалады, және өкінішке орай оларды іске қосу кезінде жарияланған жоспарларды жүзеге асыруда нақты ілгерілеушіліктер жоқтың қасы. Осы бағытқа қатысты айтылған Мемлекет басшысының сыны осыны қуаттайды»,- деді сенатор.
