• Басты
  • ҚР ҚК мұражайының қорын Ұлы Отан соғысының басты жәдігері – Жеңіс Туы толықтырды (ФОТО)
29 Желтоқсан, 2015 17:41

ҚР ҚК мұражайының қорын Ұлы Отан соғысының басты жәдігері – Жеңіс Туы толықтырды (ФОТО)

ҚР Қарулы Күштерінің Әскери-тарихи мұражайы бағалы жәдігермен толықты. Мұражай қорына 1941-1945 жылдардағы Ұлы Отан соғысының басты жәдігері – Жеңіс Туының көшірмесі берілді, деп ведомстводан хабарлады.
ҚР ҚК мұражайының қорын Ұлы Отан соғысының басты жәдігері – Жеңіс Туы толықтырды (ФОТО)

Өткен аптада Мәскеудегі ТМД қорғаныс министрлері кеңесінің отырысы шеңберінде РФ Қорғаныс министрі Сергей Шойгу ҚР Қорғаныс министрі Иманғали Тасмағамбетовке Жеңіс Туының телнұсқасын табыстады.
«Батырымыз, ұрпағымыз Рақымжан Қошқарбаев тіккен Жеңіс Туының көшірмесі мұражайға тапсырылды. Балаларымыз, болашағымыз үшін бұл ұрпақтарымыздың жетістіктері мен олардың қандай батыл болғандары туралы естеліктің нышаны болмақ», - деп атап өтті.

ҚР ҚК Бас штабы бастығының орынбасары – ҚР ҚК БШ Тәрбие және идеологиялық жұмыстар департаментінің бастығы генерал-майор Мұхамеджан Таласов. Соғыс алаңында қасқайып тұрып шайқасқан ата-бабаларымыздың батылдығы біте қайнасқан еліміз, қазақстандық армияның тарихы үшін Тудың шежірелі мәні өте зор.  Енді жәдігер Қарулы Күштерінің Әскери-тарихи мұражайында лайықты орын табады. Ол кеңес халқының, оның адамгершілік және моральдық рухының қуаттылығы мен мызғымастығының жарқын символы ретінде ҰОС арналған экспозицияда орналастырылады, сондай-ақ өскелең ұрпаққа әскери-патриоттық тәрбие беруде пайдаланылады.

«Соғыс сұрапыл болды. Миллиондаған адамның өмірін қиды. Бұл туды Мәскеуден бастап сонау Берлинге дейін жауынгерлеріміз соғыс майданынан алып өтіп, фашистік Германияның туын тікті. Бұл тумен жауынгерлеріміз өмірін қиып, айқасқа аттанды және өздерінің әскери борышын атқарды. Жеңіс Туы – жеңіске қол жеткізгеніміздің нышаны іспетті», - деп ағынан жарылды Ұлы Отан соғысына қатысушы Олег Линик.

Туды табыс ету бойынша ресми іс-шараға Ұлы Отан соғысы, Ауған соғысының ардагерлері, Халық қаһарманы, армия генералы Сағадат Нұрмағамбетов атындағы «Жас ұлан» республикалық мектебінің тәрбиеленушілері, сондай-ақ 68665 әскери бөлімінің әскери қызметшілері қатысты. Қазірде ҚР ҚК Әскери-тарихи мұражайының қорында 6 000-ға жуық жәдігер бар екенін және толықтырылып жатқанын атап өткен жөн.  Еліміздің түкпір-түкпірінен әртүрлі адамдар, көне заманнан бастап қазіргі күнге дейін тәуелсіз Қазақстан Қарулы Күштерінің құрылуы кезеңдерінен сыр шертетін тарихи құндылығы бар бағалы заттарды мұражайға тапсыруда.   

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды