• Басты
  • Астанада 19 мыңнан астам мүмкіндігі шектеулі жанға кешенді көмек көрсетілуде
29 Желтоқсан, 2015 15:57

Астанада 19 мыңнан астам мүмкіндігі шектеулі жанға кешенді көмек көрсетілуде

Астанада мүмкіндігі шектеулі жандардың әлеуметтік интеграциясына жағдай жасауға, олардың әлеуметтік статусын және өздігінен қоғамдық және отбасылық-тұрмыстық қызмет ету қабілеттілігін қалпына келтіруге бағытталған мемлекеттік қолдау шаралары қолға алынды, деп хабарлады елорда әкімдігі.

Астанада 19 мыңнан астам мүмкіндігі шектеулі жанға кешенді көмек көрсетілуде | Strategy2050.kz

«Бүгінгі таңда Астанада 19 мыңнан астам мүмкіндігі шектеулі жан тұрып жатыр. Жеке оңалту бағдарламасы аясында 9 мың мүгедек кресло-арбамен, протездік-ортопедиялық бұйымдармен, тифлотехникалық құралдармен және т.б. қамтамасыз етілді. Үстіміздегі жылы 1560 адам санаториялық-курорттық емдеумен, 986-ы жеке көмекші қызметімен, 280-і ым тілі маманымен қамтылды, оңалту бағдарламасы бойынша 37 адам оқытылды. Мүгедек балаларды асырап отырған 662 отбасыға әлеуметтік көмек көрсетілді», - деді Астана қаласының Жұмыспен қамту және әлеуметтік қорғау басқармасы әлеуметтік бағдарламаларды талдау бөлімінің басшысы Айгүл Таласова.

Басқарманың мәліметінше, Астанада жайлы және қауіпсіз қозғалу үшін «Инватакси» қызметі құрылды. Бүгінде 1358 адам, соның ішінде 302 бала осы қызметті пайдаланады. Биыл Мүгедектер күніне орай 14,4 мың адамға материалдық көмек көрсетілді.

Бұдан басқа, өзгенің көмегіне мұқтаж жандарға да көмек көрсетіледі. Мүгедектердің жасы мен денсаулық жағдайына сәйкес профильденген қарттар мен мүгедектерге үйде әлеуметтік көмек көрсететін бес бөлімде және екі қарттар мен мүгедектерге арналған мемлекеттік медициналық-әлеуметтік мекемеде әлеуметтік-оңалту қызметтері көрсетіледі.

Мүмкіндігі шектеулі балаларға әлеуметтік көмек көрсетуге ерекше назар аударылады. Осылайша, әлеуметтік қызмет көрсетудің мемлекеттік стационарлық және стационарлық емес мекемелерінің құрылымданған жүйесі құрылды, соның ішінде балалар психоневрологиялық медициналық-әлеуметтік мекемесі, балалар медициналық-санитарлық мекеме базасында күндізгі бөлім, мүгедек балаларды тәрбиелеп отырған отбасыларға үйде әлеуметтік көмек көрсететін 4 бөлім.

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды