Қазақстандықтар кетіп бара жатқан жылды қорытындылады (ФОТОРЕПОРТАЖ)

4 Қаңтар, 2016 15:00

Дәстүрлі жаңа жылдық мерекелер балалар мен қатар үлкендер үшін де өте маңызды. Қазақстандықтар жаңа 2016 жылды үлкен қуанышпен қарсы алды және оқиғаға толы, кейде оңайға соқпаған 2015 жылды шығарып салды.

«Бұл жыл мен үшін қызықты жыл болды, жаңа достар таптым, жұмысым тұрақталды, өмірімнің жаңа кезеңіне аяқ бастым. Жалпы, 2015 жыл күллі халық үшін оқиғаға толы, әсем жыл болды десе болады. 2015 жыл Қазақстанның тарихында өзінің өшпес ізін қалдырды», - деп ағынан жарылды Астана қаласының тұрғыны Роза Жапақова.

«2015 жыл мемлекеттік, я болмаса әлемдік деңгейде болсын оқиғаға толы болды. Жалпы, 2015 жыл мен үшін жақсы естеліктер қалдырды. Күллі Қазақстан халқын осы мейраммен құттықтап, ашық аспан, бақыт, табыс тілегім келеді. Таңғажайыпқа сенуді тоқтатпаңыздар», - деді елорда тұрғыны Абылай Серікбол.

Айта өтейік, Жаңа жыл мерекесіне орай мерекелік көңіл күй сыйлау үшін қала жарық диодтты гүл тізбегімен көмкерілді. Мұндай әшекеймен 500 тал әсемделді.