• Басты
  • ЭКСПО көрмесі нысандарының құрылысына 8 мыңға жуық адам тартылған
28 Желтоқсан, 2015 18:06

ЭКСПО көрмесі нысандарының құрылысына 8 мыңға жуық адам тартылған

«Астана ЭКСПО-2017» Ұлттық компаниясы» АҚ Басқарма Төрағасы Ахметжан Есімовтің Қостанай, Павлодар және Қарағанды облыстарының әкімдерімен жұмыс кеңесі болып өтті, деп хабарлады ұлттық компаниядан.
ЭКСПО  көрмесі нысандарының құрылысына 8 мыңға жуық адам тартылған

Аталған кездесу шеңберінде Қостанай, Павлодар және Қарағанды облыстарының әкімдерімен меморандумдарға, сондай-ақ аталған үш өңірдің тауарөндірушілерімен шарттарға және меморандумдарға қол қойылды.

Облыс әкімдіктері мен «Астана ЭКСПО-2017» ҰК» АҚ арасында «Отандық тауарөндірушілерді Астана ЭКСПО-2017 Халықаралық мамандандырылған көрмесінің құрылысына тарту туралы» Меморандумдарға қол қойылды. Құжат жергілікті кәсіпкерлерге шынайы қолдау болу үшін жасалған.

«Бүгін біз өңірлермен әріптестік туралы Меморандумдарға қол қоямыз. Осылайша біз мемлекет басшысының отандық кәсіпкерлерді  ЭКСПО нысандарының құрылысына тарту жөніндегі тапсырмасын орындадық. Осының нәтижесінде Қазақстанның әрбір өңірінде жаңа жұмыс орындары ашылды деуге болады. Меморандумдар аясында барлығы 232 шартқа қол қойылды, бұл ретте 32 млрд. теңгеден астам сомаға жеткізілімдер орындалды. Сол сияқты отандық бизнес субъектілерімен 15 млрд. теңгеден астам сомаға жұмыстар орындалып, қызметтер көрсетілді» - деді «Астана ЭКСПО-2017» Ұлттық компаниясының басшысы А.Есімов кеңес барысында .

Айта өтейік, ұлттық компания  Қарағанды, Солтүстік Қазақстан, Жамбыл, Шығыс Қазақстан, Павлодар, Оңтүстік Қазақстан, Қызылорда, Ақмола, Алматы, Атырау, Маңғыстау, Ақтөбе, Батыс Қазақстан облыстарының, сондай-ақ Астана және Алматы қалаларының әкімдіктерімен ынтымақтастық туралы меморандумдарға қол қойды.

Жалпы, ЭКСПО-2017 нысандарының құрылысына бас мердігер ұйымдары болып 232 отандық тауарөндірушілер тартылды және жалпы сомасы 31,754 млрд. теңгеге шарттар жасалды.

«Бүгінде ЭКСПО құрылыс алаңдарында көрме кешенінің барлық павильондары бойынша нөлдік циклдегі монолитті темір бетон жұмыстарының (паркингтердің) құрылысы бойынша жұмыстар 100 % көлемде аяқталды. Ғимарат каркастарының металл конструкцияларын монтаждау 81 %-ға орындалды. Ұйымдастырушының кеңсесінде құрылыс-монтаждау жұмыстары аяқталды. «Энергияны зерттеу орталығында» нөлдік цикл жұмыстары тәмамдалды. Ғимарат каркасының металл конструкциясын және шатыр мен қасбеттің негізін монтаждау жүргізілуде. Бүкіл ЭКСПО аумағы бойынша инженерлік желілерді салу жүргізілуде», - делінген хабарламада.

Құрылысқа барлығы 7 421 адам және 444 техника бірлігі тартылған. Жалпы алғанда жобаларды қайта қарағаннан кейін құрылыс 78 миллиард теңгеге арзандады. 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды