• Басты
  • Ақмола облысында мүмкіндігі шектеулі балаларға жаңа жылдық шырша ұйымдастырылды

Ақмола облысында мүмкіндігі шектеулі балаларға жаңа жылдық шырша ұйымдастырылды

28 Желтоқсан, 2015 20:43
Ақмола облысының Аршалы ауданында мүмкіндігі шектеулі балаларға арналған дәстүрлі жаңа жылдық шырша өтті, деп хабарлады облыстық ішкі саясат басқармасы.

Мерекелік шараға мүмкіндігі шектеулі 40-қа жуық бала қатысты. Оларға Аяз ата мен Ақша қар және түрлі ертегілер кейіпкерлері мерекелік көңіл күй сыйлады. 

«Акцияның мақсаты - балаларға азғантай болса да мерекелік көңіл күй сыйлау», - деді Аршалы аудандық жұмыспен қамту және әлеуметтік бағдарламалар бөлімінің басшысы Гулзәда Жекебаева.

Шара барысында аудандық жастар орталығының қызметкерлері балаларға түрлі қызықты қойылымдар ұсынып, мерекелік кештің ажарын кіргізді. Балаларға тәттілер үлестірілді.

Барлық жаңалықтар