2015 жылға қарай Ақтөбе облысы халқының 90% газбен қамтамасыз етіледі - А. Мұхамбетов
8 Қараша, 2013 15:30
2015 жылға қарай Ақтөбе облысы елді мекендерінің 90% газбен жабдықталады, деп хабарлады Ақтөбе облысының әкімі Архимед Мұхамбетов ОКҚ брифингінде.
«2015 жылға қарай біз халықтың 90%-дан астамын газбен қамтамасыз етеміз, 10%-дан кемі қалады - ол шалғайдағы елді мекендер, бұрынғы шопан орындары, колхоз және совхоз бөлімдері», - деді А. Мұхамбетов.
Оның айтуынша, бүгінгі таңда облыс аудандарының газбен жабдықталу деңгейі 80% құрайды.
«12 аудан орталығының 8-і газбен жабдықталған, үшеуінде жұмыс жүргізіліп жатыр. Таяу екі жылда оны аяқтаймыз. Бүгінгі таңда ірі елді мекендерді, аудан орталықтарын, шағын қалаларды газбен жабдықтау міндетін алға қойып отырмыз», - деп атап өтті әкім.
