• Басты
  • Таразда зиялы қауым өкілдері жыл стипендиясымен марапатталды

Таразда зиялы қауым өкілдері жыл стипендиясымен марапатталды

28 Желтоқсан, 2015 09:28
Жамбыл облысы әкімдігінде облыс басшысы К.Көкрекбаев зиялы қауым өкілдерімен кездесіп, жыл стипендиясымен марапаттады, деп әкімдіктен хабарлады.

«Бүгінгі тапсырылатын сыйақылар облыстағы Қазақстан Жазушылар Одағының мүшелеріне мемлекеттік қолдау көрсету мақсатында шығармашылық жетістіктеріңіз үшін берiледi. Сіздерге беріліп жүрген сыйақы көлемі жағынан барлық мәселені шешіп бермесе де, бұл қаржылық қол¬дау әдебиет пен мәдениеттің айтулы өкілдері - Сіздерге көрсетілген ықылас. Сіздер ұлттың руханиятын көтеріп, төл мәдениетті насихаттап жүрсіздер», - деді өңір басшысы К.Көкрекбаев кездесу барысында.

Кездесуде бірқатар құнды ұсыныс-тілектер, ой-пікірлер айтылды. Сонымен қатар, жыл бойы атқарылған жұмыстар бағаланып, алдағы мақсат-міндеттер талқыланды.

Кездесу барысында облыс әкімі ақын-жазушылардың барлық ұсыныстарын мұқият қарастырып, тиісті шешімдерді қабылдайтындығын айтты.

Іс-шараға облыс әкімдігінің басқарма басшылары, ақын-жазушылар, бұқаралық ақпарат құралдарының бас редакторлары қатысты.

Аймақ басшысы зиялы қауым өкілдерін келе жатқан Жаңа жылмен құттықтап, қажымас қайрат, жемісті жұмыс, шығармашылық қуат тіледі.

Барлық жаңалықтар