Қызылорда облысында 2016 жылы ШОБ-қа қолдау көрсетуді 3 есе арттыру жоспарлануда
25 Желтоқсан, 2015 11:24
2016 жылы аймақтағы шағын және орта бизнеске қолдау көрсетуді 3 есе арттырамыз, деп ағынан жарылды Қызылорда облысының әкімі Қырымбек Көшербаев ОКҚ-дағы баспасөз конференциясында.
«2016 жылы Қызылорда облысындағы шағын және орта бизнеске қолдау көрсетуді 3 есе арттырамыз. Осы ретте жауапкершілікті де қатайту керек. Яғни, уақытылы несие төлемеу жалтарып жүргендердің тізімі несие бюросына жіберіледі. Сондан кейін ол бірде бір банктен Қазақстанның бірде-бір өңірінен несие аламайды», - деп атап өтті Қ.Көшербаев.
Әкім атап өткендей, несиесін уақыты өтеген тұлғалар 3 емес 5 млн теңгені несиеге алуға қайта өтініш беріп алып жатады.
«Ал, Ұлттық қордан бөлінген қаржыны ысырап еткендерге мұндай жаза әділ деп ойлаймын», - деді аймақ басшысы.
Ботагөз Айтжанова
