Ақтөбе облысының жетім балалары 3 жыл ішінде 100 пәтерді иеленді – А. Мұхамбетов

«Халықтың өмір сүру сапасын арттырудың 3 бағыты қалыптасқан. Біріншісі, бұл тұрғын үй жағдайын қалпына келтіріп, ауыз су мен газбен қамтамасыз ету. «Қол жетімді баспна-2020» бағдарламасы бойынша облыста 9 бағыт жүзеге асуда. Оның тоғызыншы бағыты  тозған үйлерді сыру», - деді А. Мұхамбетов.

«Жетім балаларды баспанамен қамтамасыз етуді де назардан тыс қалдырмаймыз. 3 жыл ішінде олар 100-ге жуық пәтермен қамтылды. Ағымдағы жылы 2 бағыт бойынша үйлестіретін боламыз.  Тұрғын үй құрылыс жинақ банкінің жинақ қорына  қаржы жинау арқылы пәтерлер беріледі», - деді әкім.

А. Мұхамбетовтың айтуынша, бұл бағыт бойынша екі  облыс жұмыс істеуде, ал Ақтөбе үшінші аймақ. Аймақта жылына 30 пәтер салынады. Қалған 8 бағыт белсенді жұмыс істеуде.

«Ағымдағы жылы 68 мың шаршы метрді қолданысқа енгіземіз. Аймақ Астанадан кейін екінші орында тұр. Біз 1752 пәтер, Астана 2000, Алматы 1500 пәтерді қолданысқа енгізеді», - деді аймақ басшысы.

Аймақ басшысының айтуынша, екінші көрсеткіш «Самұрық-Қазына»  қоры арқылы жеке салымшылар өз қаражатын салады. Ағымдағы жылы 26 мың шаршы метр қолданысқа енеді.