ҚР ҰКП қолдауы жыл қорытындысы бойынша кәсіпкерлерге 750 млн теңгеден астам қаржы үнемдеуге мүмкіндік берді
Ғ.Тасмағанбетов кәсіпкрелердің құқығын қорғау бойынша жыл басынан бері қабылданған шаралар туралы егжей-тегжейлі есеп берді.
«Палата сарапшыларының негізгі міндеті әкімшілік кедергілерді жою болды. Жыл басынан бері 27 әкімшілік кедергі анықталса, оның 12-сі аймақтық, 15-і республикалық деңгейде, жалпы есеп бойынша 8 аймақтық кедергі жойылды. Биылғы жылы кәсіпкерлерден келіп түскен шағымдардың 326-сы құқықтық сұрақтар болса, олардың 163-і, демек, 50 пайызы оң шешімін тапқан. Арыз-шағымдардың басым көпшілігі салық органдарына, мемлекеттік мекемелер мен құзыретті органдарға, сатып алу саласындағы квазимемлекеттік секторлар тарапынан бағытталған», - деді ол.
Оның айтуынша, аса күрделі, жан-жақты талқылауды талап ететін сұрақтар палатаның жанынан құрылған кәсіпкерлер құқығын қорғау кеңесінде қарастырылады.
«Жыл басынан бері кеңестің 7 отырысында 12 өзекті мәселе қаралып, оның 10-ы кәсіпкерлер пайдасына шешілген. Жалпы, 2015 жылдың қорытындысы бойынша 750 млн теңгеден астам қарждыға кәсіпкерлер құқығы қорғалды», - деді Ғ.Тасмағанбетов.
