Кәсіпкерлер палатасы Астананың бизнес-қауымдастығымен кездесті
«Жалпы, жыл есебі бойынша Палата: әкімшілік кедергілерді жою, кәсіпкерлер құқығын қоғау, жобаларды қолдау, кәсіпкерлерге қаржылық емес көмек көрсету және адами капиталды дамыту сынды бірнеше басым бағыттар бойынша ауқымды нәтижелерге қол жеткізді», — деді Астана қаласы кәсіпкерлер палатасының директоры Ғани Тасмағанбетов.
Оның айтуынша, оң шешімін тапқан сұрақтар Палата қызметінің қаржылық емес қолдау көрсету бағытында да айқындалған.
«Жол картасы- 2020» бағдарламасын жүзеге асыру аясында жыл басынан бері кәсіпкерлерге 2505 қызмет ұсынылып, 1554 шағын және орта бизнес нысандарына қолдау көрсетілген. Соның ішінде 68 бизнес-жоспар және маркетингтік стратегия, 352 салық және статистикалық есеп айырысу, 37 компания менеджмент жүйесіне оқытудан өтсе, 563-не құқықтық кеңес берілген, сондай-ақ 112 веб-сайт және ғаламтор парақшасы жасалып, 53 компания сатып алу жүйесінің электрондық базасына қосылған», - деді ол.
