Мемлекет басшысы қазақстандық жастарға мамандық таңдауда дұрыс бағыт беруде - сарапшы (ВИДЕО)

«Ағымдағы жылы 30 қарашада Мемлекет басшысы халқына өзінің маңызды Жолдауын жолдады.  Президент Қазақстанның қиын жағдайда екенін дұрыс атап өтті, себебі әлемдік державалар бір-біріне қарсы санкциялар жариялауда, оның үстіне шикізат бағасы төмендеп кетті. Ал, бұлардың барлығы ел экономикасына өзінің кері әсерін тигізуде. Алайда Елбасы біз әр қиыншылықтың жақсы тұстарын табудамыз деп атап өтті, мәселен 90 жылдары ең қиын жылдар болатын, ол кезде экономика ең түбінде болатын, алайда біз оны жеңдік, экономикамызды көтердік, тіпті мықты экономикасы бар мықты мемлекетті құрдық», -деп түсіндірді сарапшы.

З. Қабылдинов атап өткнедей, Жолдауда Елбасы қаржылай сауықтырумен байланысты бес бағытты  бекітті.

«Бізге әлеуметтік саламен байланысты бесінші бағыт жақын. Елбасы онда 2016 жылы алдын ала бекіткен әлеуметтік саясаттан бас тартпайтынын, одан ары қолдау көрсетілетінін баса айтты. Бірінші кезекте денсаулық сақтау саласының қызметкерлеріне жалақы 28%-ға, білім саласының қызметкерлеріне 29%-ға арттырылады  - бұл өте маңызды», - деп атап өтті  ол.   

Бұдан басқа, келер жылдан бастап, студенттердің шәкіртақысы 25%-ға көбейеді. Жалпы студентер саны шамамен 800 мыңға жетеді.

«Мемлекет басшысы біздің қазақстандық жастарға мамандық таңдауда дұрыс бағыт беруде және ол үшін барлық жағдай жасалуда. Біз болсақ Елбасының үмітін ақтау үшін бар күшімізді салатын боламыз», - деп түйді сарапшы.

Индира Кауметова