• Басты
  • 2016 жылы Қазақстанның Әскери-теңіз күштеріне арналып айлақ салынады (ФОТО)
24 Желтоқсан, 2015 15:34

2016 жылы Қазақстанның Әскери-теңіз күштеріне арналып айлақ салынады (ФОТО)

Қазақстан Республикасы Қарулы Күштерінің Әскери-теңіз күштері үшін егеменді Қазақстанның тарихында алғаш рет корабльдерді арқандап байлауға, азық-түлік пен жанар-жағармай материалдарын тасымалдау, корабльдердің ұдайы орналасуы үшін айлақ бой көтереді.
2016 жылы Қазақстанның Әскери-теңіз күштеріне арналып айлақ салынады (ФОТО)

2015 жылы ҚР ҚК Әскери-теңіз күштерінің құрылу тарихындағы елеулі оқиғалардың бірі Ақтау халықаралық теңіз сауда айлағының аумағында салынатын корабльдердің тұрақтауына арналған теңіз айлағы құрылысының басталуы болды. Айлақтың болуы ӘТК-нің жауынгерлік және күнделікті тыныс-тіршілігіне оң ықпал етеді.

Қазіргі уақытта ҚР ҚК ӘТК-нің корабльдері Баутино кентінде жалға алынған айлақта әскери-теңіз базасынан 140 шақырым қашықтықта орналасқан. Бұл Ақтау қаласында тұратын әскери қызметшілердің қызмет ету орындарынан өздерінің отбасыларына дейін ұзақ қашықтық болып табылады.

«ҚР ҚК ӘТК корабльдердің орналасу пунктінің құрылысы аяқталысымен  Ақтау қаласының айлағында Әскери-теңіз күштеріне Каспий теңізінің қазақстандық секторында ықтимал қауіп-қатерлерге тиімді және уақтылы ден қоюға, сондай-ақ Каспий теңізінің кез келген ауданына корабльдердің шығуын жедел жүзеге асыруға, тасымалдау мен материалдық-техникалық қамтамасыз етудің барлық түрлерімен уақтылы қамтамасыз етуге, техниканың мотоқоры мен қару-жарағын үнемдеуге мүмкіндік береді және жанар-жағармай материалдарына жұмсалатын шығынды анағұрлым қысқартады», - деді ҚР ҚК Әскери-теңіз күштерінің бас қолбасшысы контр-адмирал Жандарбек Жанзақов.

 Айлақтың құрылысымен Ақтау қаласы айлағының аумағында ауданы 1.2 га бөлінген жер телімінде «Әскери құрылыс» акционерлік қоғамы айналысып жатқанын айта кетейік. Бүгінгі таңда су айдынының учаскесі 100%-ға дайын және айлақтың қабырғасын құю үшін материалды әкелу жүзеге асырылды. 

Әскери-теңіз айлағының құрылысы 2016 жылдың аяғында аяқталады деп күтілуде. 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды