Д.Крамер: Жаңа жылда ҚР мен ЕО-ның кеңейтілген серіктестік туралы келісімі Қазақстан-Германия қарым-қатынасына оң әсер етеді

«Астанадағы Германия Елшілігі барша қазақстандықтарға Жаңа 2016 жылда табыс пен жақсылық тілейді!», - делінген ққұттықтауда.

Сонымен қатар, Джонни Крамер өткен жылдың маңызды жетістіктерін атап өтті. Олардың қатарында ҚР мен ЕО-ның ынтымақтастығы және кеңейтілген серіктестігі туралы келісімге қол қою бар.

«2015 жылдың  21 желтоқсанында ҚР Сыртқы істер министрі Ерлан Ыдырысов пен ЕО-ның сыртқы істер және қауіпсіздік саясаты бойынша жоғарғы өкілі Федерика Могерини Қазақстан мен Еурооадқтың ынтымақтастығы және кеңейтілген серіктестігі туралы келісімге қол қойды. Бұл Қазақстан-Германия қарым-қатынасына оң әсер етуі тиіс», - деп атап өтті Джонни Крамер өз құттықтауында.  

Айта кетейік, бүгінде Қазақстан-Германия қарым қатынасы жақсы дамып келеді.  Осы ретте, Қазақстанда 180 мыңға жуық ұлты неміс азаматтар бейбітшілік пен келісімде тату-тәтті өмір сүріп жатқанын баса айтуға болады.

Мадина Маржакупова