Сенат «Бағалы металдар мен асыл тастар туралы» ҚР заңын қабылдады
24 Желтоқсан, 2015 12:01
Сенаттың жалпы отырысында депутаттар «Бағалы металдар мен асыл тастар туралы» заңды қабылдады.
«Заң жобасының мақсаты бағалы металдар мен асыл тастарды өндіру және олардың айналымы, бағалы металдармен және асыл тастармен операцияларды мемлекеттік реттеу және бақылау болып табылады. Бұдан бөлек, Қазақстанда зергерлік өнеркәсіпті дамытуға жағдай жасалып, осы бағытта туындайтын қоғамдық қатынастарды реттеудің бірыңғай заңнамалық негізі қалыптасады», - деп баяндады ҚР Инвестициялар және даму министрі Әсет Исекешев.
Бұдан бөлек, заң жобасында Үкімет, Ұлттық банк, бағалы металдар мен асыл тастар айналымы саласындағы уәкілетті органның құзыреті айқындалып, осы саладағы заңнаманы бұзғандарға жауаптылық белгіленеді.
Ботагөз Айтжанова
