«Астана Опера» әншісі Салтанат Ахметова Германиядағы конкурста жеңіске жетті
8 Қараша, 2013 18:30
«Астана Опера» театрының әншісі Салтанат Ахметова немістің ауқымды әншілер конкурсының бірі Neue Stimmen-ге қасытып, ‘Klassik Herbst in Gutersloh’ Forderpreis ('Гютерслодағы Классикалық Күз' марапаты) сыйлығын иеленді, деп МОБТ баспасөз қызметі.
Конкурсқа 1428 адам өтінім білдірсе, соның 40 өтті де, финалға тек 9 әнші жете алды. Сол бақытты тоғыздың бірі Салтанат Ахметова іріктеу кезеңінде Г. Ф. Гендельдің «Юлий Цезарь» операсынан Клеопатраның ариясын орындады», - деп хабарламада нақтыланған.
«Бұл конкурсқа қатысу үшін алдымен қазылар алқасы үш ай дүние жүзі бойынша жүргізген іріктеуден өту керек. Мен Берлиндегі іріктеуден өттім. Қазақстан бұл сайысқа бірінші рет қатысты», - дейді Салтанат Ахметова.
«Бұл конкурс Қазақстан атынан барып, ел атағын шығаруға болатын Еуропаға жол ашады, сонысы жақсы. Және мұндай жерде бәсекелестікті байқайсың, өзге әншілерді тыңдайсың, олардан бір нәрсе үйренесің, тәжірибе алмасасың. Біздің мамандықта өмір бойы үйренесің», - дейді Салтанат Ахметова.
