ШҚО-да 150-ге жуық мүмкіндігі шектеулі бала жаңажылдық сыйлық алды (ФОТО)
4 Қаңтар, 2016 13:06
ШҚО-да 150-ге жуық мүмкіндігі шектеулі бала Жаңа жылдық шырша мерекесіне қатысты. Көңілді мерекелік бағдарлама барысында жас жеткіншектер ертегілер әлеміне сапар шегіп, түрлі ойындарға қатысты, деп хабарлады ШҚО-ның ақпараттық орталығы.
Батыс елінен Ұлы Жібек жолы арқылы солтүстік мұздық патшалығына сапар шеккен балаларды түрлі қызықты сауықтырушы оқиғалар күтіп тұрды. Концерттік бағдарламаны тамашалап, өз өнерлерімен де бөлісті. Мереке иелерін ШҚО әкімінің орынбасары Жақсылық Омар құттықтады.
«Жаңа жыл жаңа бақыт сыйлаған мереке. Келер жыл әрбіреулеріңіздің отбасыларыңызға сарқылмас бақыт пен табыс тілеймін. Бүлдіршіндер –еліміздің ертеңі мен болашағы», – деді Ж. Омар.
Мерекеге келіп отырған Азамат Сайлаубай да өзінің қуанышымен бөлісіп, шара ұйымдастырушыларына алғысын білдірді.
«Бүгінгі шарада мен ертегілер әлеміне сапар шегіп, өте үлкен әсер алдым. Әр жылғы Жаңа жыл өзіндік ерекшелігіен есте қалуда», – деді Азамат Сайлаубай.
