• Басты
  • Қ.Жақыпов: Елбасының сенімін болашақта жұмысымызбен ақтауымыз керек
23 Желтоқсан, 2015 12:24

Қ.Жақыпов: Елбасының сенімін болашақта жұмысымызбен ақтауымыз керек

ҚР Парламенті Мәжілісінің жалпы отырысында палата төрағасы Қабиболла Жақыпов депутаттардың ағымдағы жылғы жұмысын қорытындылады.
Қ.Жақыпов: Елбасының сенімін болашақта жұмысымызбен ақтауымыз керек

«Санаулы күндерден кейін қой жылымен де қош айтысамыз. Аяқталып келе жатқан 2015 жыл оңай кезең болған жоқ, әлемді шарпыған дағдарыс пен жаһандық қатерлер біздің елге де өз әсерін тигізді. Елбасы Қазақстан халқына арнаған биылғы Жолдауында айтқандай, «Бүгінгі ахуал біздің жетістіктерімізді сынға салып, елдігімізді шыңдай түсетін уақыт тезі. Жауапты сәтте бірлігімізді сақтап, еліміздің игілігі үшін аянбай тер төгуіміз керек. Біріміз бәріміз үшін, бәріміз біріміз үшін деген қағиданы ұстанып, еңбек етуге тиіспіз». Осы бағытта Еліміздің мемлекеттік тұғырын бекемдеуге, құқықтық негізін одан әрі нығайтуға Парламент депутаттары ретінде Сіздердің қосқан үлестеріңіз зор», - деді Қ.Жақыпов.

Мәжіліс төрағасы депутаттық корпусқа, парламенттік фракциялардың, Қазақстан 
халқы Ассамблеясы депутаттық тобының мүшелеріне, аппарат қызметкерлеріне ел игілігі үшін атқарған қызметі үшін алғыс айтты.

«Келесі жыл Тәуелсіздігіміздің 25 жылдығы. Сондай-ақ, біз халқымыздың азаттық пен тәуелсіздік жолындағы күресінде ерекше орны бар бірқатар айтулы оқиғаларды атап өтеміз. Келесі жыл - парламенттік сайлау өтетін жыл. Осыған орай біз алдымызда тұрған міндерттерді лайықты түрде атқарып, халқымыздың, Елбасының сенімін ақтауға тиіспіз», - деді ол.

Сонымен бірге, палата төрағасы атап өткендей, келесі жыл ЭКСПО-2017 көрмесіне дайындықтың соңғы жылы. Бұл мемлекетіміз, халқымыз үшін үлкен сынақ болатын іс-шара.

"Әрине, Парламент пен барша депутаттар да оны жоғары деңгейде өткізуге күш салады. 
Келе жатқан 2016 жыл жаңа белестерге, жаңа биіктерге көтерілетін жыл болсын", - деп Мәжілістің осы жылдағы соңғы отырысын жапты Қ.Жақыпов.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды