Астанада жас қазақстандықтар әскери-қолданбалы спорт түрі бойынша жарысқа қатысады
«Жарыс жастарды патриоттық тәрбиелеуге, әскери-қолданбалы спорт түрлерін дәріптеу және жастармен дене шынықтыру спорт жұмыстарын күшейтуге, Қазақстан Республикасы Қарулы күштер қатарындағы қызмет мәртебесін көтеруге, спорттық шеберлікті көтеру және салауатты өмір салтын насихаттауға, сонымен қатар оқушылардың дене даярлығының деңгейін көтеру бойынша әскерге дейінгі жастағы жастарды білім ұйымдарына тартуға бағытталған», - деп хабарламада нақтыланған.
Жарыс бағдарламасы аясында «Отан Қорғаушы» Әскери-спорттық кешен нормативтерін орындаудан және қаруды бөлшектеп бөлу мен қаруды құрастыру, әскери кросс және пневматикалық винтовкадан ату нормативтерін орындаудан жарыстар өтеді.
«Жас Қыран» республикалық әскери-патриоттық бірлестікті дамыту орталығы азаматтардың әскери-патриоттық, рухани-адамгершілік және дене тәрбиесі бойынша міндеттерді шешуімен, олардың әскери қызметке дайындығымен айналысады, жастарды патриоттық тәрбиелеудің жаңа моделін қалыптастыру бойынша мемлекетке көмектеседі, әскери-патриоттық ұйымдар қозғалыстарын жандануы бойынша мақсатқа бағытталған жұмыстарды орындайды және балалар мен жастарды қазақстандық отаншылдыққа тәрбиелеуге бағытталған жобаларды іске асырады.
