ОҚО кәсіпкерлерінің бизнес жағдайын қалыптастыру мәселесі талқыланды
«Шара барысында кәсіпкерлікке жайлы бизнес жағдайын қалыптастыру мен Қазақстан кәсіпкерлерінің Ұлттық палатасы алдына қойылған міндеттемелерін ескере отырып өңірде кәсіпкерлікті дамытудың болашағы мәселелері қаралды», - делінген хабарламада.
Өз сөзінде Ұлттық кәсіпкерлер палатасының басқарма бастығы Абылай Мырзахметов ОҚО-да өңірлік кәсіпкерлер палатасын құру облыста кәсіпкерлердің мүддесін қорғап, бизнестің дамуына жағдай жасайтынын айтты.
Естеріңізге сала кетейік, биылғы жылдың 9 қыркүйегінде Үкімет пен «Атамекен» Кеңесі» ҚҰЭП тарапынан Кәсіпкерлердің ұлттық палатасын құру туралы шешім қабылданған еді. Ұлттық палатаның басты қызметі – кәсіпкерлердің құқы мен мүдделерін қорғау, кәсіпкерлік белсенділіктің қоғамдық мониторингін жүргізу, өңірлердегі кәсіпкерлік жағдайларын бақылау, кәсіпкерлікті дамыту және қолдау мемлекеттік бағдарламаларына қатысу, отандық өнімді қолдау мен ұйымдардың сатып алуында жергілікті тауарлардың өтімділігін қадағалау, кадрларды дайындау, қайта даярлау, біліктілігін арттыру, сертификациялау мен аттестациялау, техникалық және кәсіптік білім беруді арттыру, кәсіпкерліктің сыртқыэкономикалық қызметтері субъектілерін талпындыру, инвестиция тарту мен экономиканы әртараптандыру.
