Қазалы ауданында жаңа ауылдық клуб пайдалануға берілді
22 Желтоқсан, 2015 16:42
Қазалы ауданындағы Абай елді мекенінде 150 орындық ауылдық клуб пайдалануға берілді, деп хабарлады Қызылорда облысы әкімдігінің баспасөз қызметі.
Айта өтейік, жаңа ғимаратта түрлі рухани кештер мен шаралар ұйымдастыруға барлық жағдай жасалған. Сонымен қатар, клуб жанынан жастарды өнер мен әдебиетке баулитын түрлі үйірмелер жұмыс жасайды. 2 қабатты ғимаратта 128 орындық көрермен залымен қатар 23 мың кітап қоры бар кітапхана орналасқан.
Жаңа клубтың ашылу салтанатына қатысқан облыс әкімі Қырымбек Көшербаев, Республикалық ардагерлер кеңесінің төрағасы Ө.Озғанбаев тұрғындарды қуаныштарымен құттықтады.
