• Басты
  • Жамбыл облысында 2015 жылы білім беру саласын қаржыландыру үшін 74,9 млрд теңге қарастырылды

Жамбыл облысында 2015 жылы білім беру саласын қаржыландыру үшін 74,9 млрд теңге қарастырылды

22 Желтоқсан, 2015 13:37
Жамбыл облысында ағымдағы жылы білім беру саласын қаржыландыру үшін жергілікті бюджеттен 74,9 млрд теңге қарастырылды, деп хабарлады Жамбыл облысының әкiмi Кәрiм Көкiрекбаев ОКҚ-да.

«Жамбыл облысында ағымдағы жылы  білім беру саласын қаржыландыру үшін жергілікті бюджеттен 74,9 млрд теңге қарастырылды», - деді әкім.

Сонымен, аймақта апатты жағдайдағы мектептерді азайту бойынша жұмыстар жалғасуда. Ағымдағы жылы 9 мектеп пайдаланылуға берілсе, тағы 6 мектептің құрылысы жүргізілуде.

«Ал, мектепке дейінгі мекемелерде орын тапшылығын азайту үшін 6 балабақшаның құрылысы аяқталды, тағы 4-нің құрылысы жүргізілуде. Жыл соңына дейін тағы үш балбақша ашылады», - деп жалғастырды ол.

Жалпы, мектепке дейінгі балаларды балабақшамен қамту 75 %-ға жетті, бұл 2014 жылдың сәйкесінше кезеңінен 4,3%-ға жоғары.

Индира Кауметова

Барлық жаңалықтар