Жамбыл облысында «БЖК-2020» бағдарламасы аясында 51,4 млрд теңгеге 516 жобаға қолдау көрсетiлді

22 Желтоқсан, 2015 11:54

Жамбыл облысында «Бизнестiң жол картасы -2020» бағдарламасы жүзеге асырылған уақыттан бері барлық қаржыландыру құралдары бойынша 516 жобаға қолдау көрсетiлді, деп хабарлады Жамбыл облысының әкiмi Кәрiм Көкiрекбаев ОКҚ-да.

«Iрi кәсiпорындар айналасында шағын және орта бизнес дамып жатыр. Мұнда 75 мың адам жұмыспен қамтылған. Яғни, экономикалық белсендi халықтың 20%-дан астамы шағын және орта бизнес саласында еңбек етеді. «Бизнестiң жол картасы -2020» бағдарламасы аясында көрсетiлiп отырған мемлекеттiк қолдаудың арқасында соңғы жылдары облыста бiрқатар кәсiпорындар iске қосылды», - дедi облыс басшысы.

К.Көкiрекбаевтың сөзiнше, бұл «Құрылыс полимер» ЖШС, «Асату» жаймасын шығаратын «Mark of perfection» ЖШС, медициналық бұйымдар шығаратын «Super-Pharm» ЖШС, жылыжайда жемiс-жидек өсiретiн «Манап» ШҚ және тағы бiрқатар кәсiпорындар жұмыс істеп тұр.

«Бизнестiң жол картасы -2020» бағдарламасы жүзеге асырылған уақыттан бастап барлық қаржыландыру құралдары бойынша 516 жобаға қолдау көрсетiлдi. Көрсетiлген қолдаудың жалпы сомасы 51,4 млрд теңгенi құрайды», - деп мәлiм еттi К.Көкiрекбаев.

Сонымен, «Бизнестiң жол картасы -2020» бағдарламасы жүзеге асырылған уақыттан бастап барлық қаржыландыру құралдары бойынша 516 жобаға қолдау көрсетiлдi. Көрсетiлген қолдаудың жалпы сомасы 51,4 млрд теңгенi құрады.

Индира Кауметова

Барлық жаңалықтар