ШМӨЗ мұнай өңдеудің жаңа өнімі - күкірт шығара бастады
Қондырғыны ендіру барысында техникалық күкірттің алғашқы партиясы алынды. Жоба «ПетроКазахстан Ойл Продактс» ЖШС-ін (Шымкент МӨЗ) модернизациялау және реконструкциялау бағдарламасы шеңберінде іске асырылды.
Лабораториялық анализдеу және кешенді сынамалау жолымен алынған қорытындылар күкірттің тазалығын, нормативтік талаптарға сәйкестігін дәлелдеді. Осыған орай, ОҚО зауыты жаңа тауар өнімін шығаруға толықтай әзір.
Қондырғыны іске қосарда технологиялық жағынан табиғатты қорғау бағдарламасы бойынша қойылған барлық экологиялық талаптар мен тәртіптер сақталды. Жаңа өндірістің бастамасы «ҚМГ-өңдеу-маркетинг» АҚ компаниялар тобының, «ПетроКазахстан Ойл Продактс» ЖШС, «China Petroleum Engineering» (КНР) жетекші мердігер компаниясы, «Атырау МӨЗ» бен «ПМХЗ» әріптестері мен қызметкерлерінің үйлесімді жұмыстарының нәтижесінде туындады.
Зауытқа қондырғыны ендіру 27 жұмыс орнымен қамтамасыз етті.
Күкірт өндіру қондырғысын іске қосу жөніндегі мемлекеттік қабылдау комиссиясы Актісіне Мемлекеттік қабылдау комиссиясының төрағасы, Шымкент қаласы әкімінің орынбасары Бахадыр Нарымбетов және Мемлекеттік қабылдау комиссиясы төрағасының орынбасары «ChinaPetroleumEngineering» компаниясының Қазақстан Республикасындағы жобалар бойынша директоры Канг Дзы қол қойды.
Күкірт - кең қолданыстағы әрі үнемі сұраныстағы өнім. Тұзды, этанды, ортофосфорлы, азотты және басқа да қышқылдарды өндіруге қолданылады, сонымен қатар, азотты, фосфорлы тыңайтқыштар, пластмасса, қағаз, құрылыс материалдары, маталар, лактар мен бояулар және жуу заттарын шығаруға қолданылады. Күкірт мұнай, мұнай өнімдерін және кокс-химиялық өндіріс өнімдерін (тотуол мен бензол) зиянды қоспалардан тазарту процесінде және де металлдың бетін сырлау алдында тазарту үшін қолданылады. Күкірт қышқылы ерітіндісін қышқылды аккумуляторға электролит ретінде қолданады.
