Қазақстанда алғаш рет армия ойындарының екі сайысы өтеді

22 Желтоқсан, 2015 09:27

2016 жылы Қазақстан Қарулы Күштерінің полигондары Армия халықаралық ойындарының қатысушыларын қабылдайды. Еліміздің аумағында армия ойындарының екі сайысы «Артиллериялық атыс шеберлері» және «Мергендік шеп» өтеді. Мұнда еліміздің түкпір-түкпірінен ең кәсіби артиллерияшылар мен мергендер үздік деген атаққа бақ сынасады, деп хабарлады ҚР Қорғаныс министрлігі.

« Бұл шешім Мәскеуде өткен Армия халықаралық ойындары – 2016 өткізу жөнінде алғашқы жоспарлаушы конференция барысында айтылды», - делінген хабарламада.

Конференцияға 47 мемлекеттің өкілі, оның ішінде ҚР ҚК Бас штабы бастығының орынбасары генерал-майор Әмір Халиковтің басшылық етуімен Қазақстан Қарулы Күштерінің делегациясы қатысты.

Армия халықаралық ойындары – 2016 бағдарламасына далалық, әуе және теңіз дағдысы бойынша 23 байқау кіреді деп жоспарлануда. Жарыс 21 әскери полигонда, оның ішінде екі қазақстандық полигонда өрістетіледі. Алдағы ойындарға алдын ала қатысуды 16 ел растап та қойды.

Биылғы жылы «АрМИ-2015» тұңғыш армия халықаралық ойындары өткенін естеріңізге сала кетейік. Қазақстанның Қарулы Күштері үш байқауға, яғни, әскери теңізшілер мен теңіз жаяу әскерлері «Каспий теңізіне», әскери ұшқыштар «Авиадартсқа», танкішілер «Танк биатлонына» қатысты.

Сайыс қорытындысы бойынша Қазақстан Қарулы Күштерінің әскери қызметшілері «Авиадартс» пен «Каспий теңізінде» екінші орынды, «Танк биатлонында» төртінші орынды иеленді.

Барлық жаңалықтар