ҚТЖ Астана қаласының жаңа жолаушылар терминалының жүзеге асырылуы туралы хабарлады

«Біз «Нұрлы жол» бағдарламасын жүзеге асыру бойынша алғашқы жылдың қорытындысын жасақтаудамыз. Елбасы Қазақстанда аймақтық көлік-логистикалық хабын жасақтау бойныша міндетті қойды. Осы ретте көлік инфрақұрылымын дамыту жобаларының операторы «ҚТЖ»АҚ болып табылады», - деді сөз басында А. Мамин.

Сонымен, «Нұрлы жол – Болашаққа бастар жол» аясында ЭКСПО-2017 қарсаңында елорда да теміржол торабының дамуына әсер ететін сәйкесінше жоба жүзеге асырылуда, оның ішінде сапаржай кешенін салу және Астана қаласы әуежайының ұшып-қону жолағын қайта қалпына келтіру бар.    

«Бұл жобаның мақсаты әуежайдың өткізу қуаттылығын артыру болып табылады. Сонымен өткізу қуаттылығы жылына  3-тен 7,6 млн жолаушыға дейін арттырылады. Ағымдағы жылдың өзінде өткізу қуаттылығы 3,5 млн дейін жолаушыға жетеді деген ой бар», - деп хабарлады ұлттық компанияның басшысы.

А.Мамин атап өткендей, бүгінде Астанада жаңа жолаушылар терминалы нысанының іргетасын қалау жұмыстары жүзеге асырылды, яғни сыртқы инженерлік жүйені тарту, жарықты-дабыл жүйесін орнату, өтетін жолдар мен тұрақтардың асфальтбетон жабындысын жабу жұмыстары аяқталды.  

«Нысан 2017 жылы пайдаланылуға беріледі деп жоспарлануда. Жобаны жүзеге асыру мақсатында «Mabco Construction» ЖШС-мен келісімге қол қойылған», - деп түсіндірді А. Мамин.

Ботагөз Айтжанова