ШҚО-да 4 млн теңгеге жылумен қамту жүйелерін жаңғырту бойынша 12 жоба іске асырылуда

 «Нұрлы жол – болашаққа бастар жол» Қазақстан Республикасы Президентінің Жолдауын жүзеге асырудағы ТҮКШ инфрақұрылымын жаңғырту, сумен және жылумен қамтамасыз ету Жол картасы бойынша Энергетика және тұрғын үй-коммуналдық шаруашылық басқармасының басшысы Айтқазы Шерубаев ақпарат берді.  

Бүгінгі таңда облыс бойынша инфрақұрылымды дамыту бағдарламасының аясында 4 030,3 млн. теңгені құрайтын жылумен қамту жүйелерін модернизациялаудың 12 жобасы іске асырылуда.

Жобаны толығымен іске асырған кезде инженерлік жүйелердің тозуын Өскемен қаласында 1,4%-ға, Семейде 2,3%-ға төмендетуге, жүйелердегі нормативтік жоғалту деңгейін 17,2%-ға жеткізу мақсатында 15 шақырым жылу жүйелерін қайта жаңғырту және 4  жылумен жабдықтау көздерін жөндеу жұмыстары жоспарланып отыр.

Аталмыш жобаларды жүзеге асыруда құрылыс-жөндеу жұмыстары кезінде 122 жұмыс орындары, соның ішінде Өскемен қаласы бойынша 17, Семей бойынша 105 жұмыс орны ашылады.  

Кәсіпкерлік және индустриалды-инновациялық даму басқармасының басшысы Нұрлан Мусин автомобиль кластерін дамыту мақсатында шебер-жоспар дайындау бойынша атқарылған шаралар жөнінде ақпараттандырды. ШҚО әкімдігінің тапсырмасына сәйкес автомобиль кластерін дамыту үшін «PricewaterhouseCoopers» (PwC) халықаралық ірі консалтинг компаниясы халықаралық талаптарға сәйкес шебер-жоспар дайындады.

Облыс әкімі өзінің төрағалығымен «Pricewaterhouse Coopers» компаниясының өкілдерінің шақырылуымен атқарылған шаралар бойынша есеп беруді тапсырды.