ҚР Қорғаныс министрлігі спорт клубының әскери қызметшілері биатлоннан әлемнің үздік үштігіне енді

21 Желтоқсан, 2015 08:37

Қазақстанның әскери спортшылары әлемдік додада жаңа жетістікке қол жеткізді, деп хабарлады ҚР ҚМ.

Биатлон турнирі Австрияның Обертиллиах қаласында өтуде. ҚР Қорғаныс министрлігі Армияның орталық спорт клубының әскери қызметшісі кіші сержант Алина Райкова IBU Кубогының ІІІ кезеңінде жеке жарыстан үшінші орынды иеленді.

«Халықаралық турнирде үздік үштіктегі жүлделі орынға жету үшін қазақстандық биатлоншы басқа елдегі мықты қарсыластарын басып озды. 15 шақырымдық қашықтықты төрт оқ ату шебін біреуінен де мүлт кетпей 30,8 секундта игерді», - делінген хабарламада.

Кіші сержант Алина Райкова – биатлон бойынша АОСК команданың штаттық спортшысы, 2014 жылы Сочиде өткен Олимпиада ойындарына қатысушы, 2015 жылғы қысқы Универсиаданың чемпионы, Қазақстан Республикасының спорт шебері.

Ол ҚР Қорғаныс министрлігі Армияның орталық спорт клубы үміт артып отырған және Қазақстанды әлемдік аренада лайықты танытатын спортшылардың бірі.