Павлодар облысында 86 км автожол пайдаланылуға берілді – ҚазАвтоЖол
19 Желтоқсан, 2015 10:03
Павлодар облысында республикалық маңыздағы 86 км автомобиль жолдары пайдаланылуға берілді, деп хабарлады «ҚазАвтоЖол»АҚ.
Айта өтейік, ұзындығы 27 км жаңа учаске салынған, Ол Павлодар қаласын айналып өтетін жол. Жолдың 16 км І техникалық санат бойынша 4 жолақты, қалған 11 км ІІ техникалық санат бойынша 2 жолақты болып салынды.
Бұл учаске Астана – Павлодар – Өскемен автожолының құрамына кіреді. Жаңа айналма жол Павлодар қаласынан үлкен жүгі бар автомобильдер транзитін шығаруға мүмкіндік береді.
Сонымен қатар, Байқоныс және Новочерноярка ауылдары арасындағы ұзындығы 59 км Омск – Павлодар - Майкапшағай автомобиль жолдары қайта қалпына келтірілді.
Учаскені қайта қалпына келтіру жұмыстары асфальтобетон жабындысымен ІІ техникалық санат бойынша жүргізілді.
