Қазақстандағы жастардың кәсіпкерлік белсенділігі Ресеймен салыстырғанда жоғары – сарапшы

«Біз 18 бен 64 жас аралығындағы халықты зерттедік. Жас кәсіпкерлер 40 жастағыларға қарағанда белсендірек.   Біз Қазақстанның 14 аймағы мен 2 қаласында сауалнама жүргіздік.  Бұл жоба жыл сайын өткізіліп келеді, Қазақстан оған алғаш рет 2014 жылы қатысты», - деді Л.Ерғожа.

Л.Ерғожаның айтуынша, аталмыш жобаға әлемнiң 73 мемлекетi қатысады.

«Бұл әлемдiк жалпы iшкi өнiмнiң 90%-ын құрайды және әр жылдарда бұл жоба бизнес-ортаны жақсартуға байланысты шешiмдер қабылдаудың тиiмдi құралына айналды. Қазақстан аталған жобаға қатысып отырған Орта Азия өңiрiндегi алғашқы мемлекет. Қазақстанның осы зерттеу аясындағы алғашқы жетiстiктерiне тоқталсақ, Қазақстан 13,7% кәсiпкерлiк белсендiлiктi көрсетiп отыр.  Бұл Түркия, Үндістан мен Ресейдегі кәсіпкерлік пайызынан жоғары.  Қазақстандағы кәсiпкерлердiң 1/3 бөлiгi жалақыға балама ретiнде немесе жұмыстың болмауы салдарынан бизнеспен айналысса, ер адамдар өз қалауы емес, қажеттiлiгi бойынша бизнеспен айналысатыны мәлiм болды», - деп түйді ол.