СҚО-да балалар үйлерінің түлектері мен жас мамандар баспанаға ие болды

19 Желтоқсан, 2015 11:28

ҚР Тәуелсіздігі күні Солтүстік Қазақстан облысының жас мамандары жаңа пәтерге қоныс аударды. Әрқайсысы 100 пәтерлі екі жатақхана Петропавл қаласының «Береке» ықшам ауданында тұрғызылған. Жас мамандардан басқа бұл күні жетімдер үйінің түлектері де баспаналы болды, деп хабарлады облыс әкімдігі.

Жаңа қоныс иелеріне пәтер кілттерін Солтүстік Қазақстан облысы әкімі Ерік Сұлтанов табыстады.

Елбасымыз Нұрсұлтан Әбішұлы Назарбаев «Жастар-біздің болашағымыз!» деп атап өтті. «Елбасы халыққа жолдаған жаңа жолдауында Жұмыспен қамту жол картасы бағдарламасын жүзеге асыруды жалғастыруды тапсырды. Сіздерді шын жүрегімнен қоныс тойларыңызбен құттықтаймын! Сіздерге мықты денсаулық, бақыт, үлкен табыстар тілеймін!», — деді Ерік Хамзаұлы.

Жатақхана құрылысына «Альфа-Север» ЖШС бас мердігері өткен жылдың қарашасында кіріскен. Жұмыстар белгіленген мерзімде аяқталды. Компания директоры Андрей Капустин солтүстікқазақстандықтарды ҚР Тәуелсіздігі күнімен және тұрғындарды баспаналы болуымен құттықтады.

Жатақханалар «Жұмыспен қамту жол картасы 2020» мемлекеттік бағдарламасы аясында тұрғызылды. Бұдан басқа Жұмыспен қамту жол картасының табысты жүзеге асырылуы арқасында облыста 10 мыңнан астам жастар жұмыспен қамтылды.

Барлық жаңалықтар