ОҚО мен «Астана ЭКСПО-2017» 10 млрд теңгенің ынтымақтастық меморандумына қол қойды (ФОТО)
18 Желтоқсан, 2015 17:26
ОҚО мен «Астана ЭКСПО-2017» 10 млрд теңгенің ынтымақтастық меморандумына қол қойды. Құжатқа «Астана ЭКСПО-2017» ҰК» АҚ басқарма төрағасының орынбасары мен облыс әкімінің орынбасары Шымкентте қол қойды, деп хабарлады Ұлттық комапния.
Шара аясында Оңтүстік Қазақстан және Жамбыл облысында тауар өндірушілердің мамандандырылған көрмесі өті, 50 отандық өндіруші өз өнімдерін таныстырды. Оның ішінде – трансформаторлар, керамика, жеке құрылыс материалдары, жиһаз бар. Туристік фирмалар өңірдің барлық көрікті жерлерін қамтитын үшкүндік және бескүндік топтамаларын таныстырды.
Өз кезегінде новаторлар ОҚО әлеуетін «жасыл» технология саласындағы әзірлемелер бойынша таныстырды.
Сондай-ақ, өңірдің волонтерларымен кездесу өткізілді. Е.Шорманов кездесуде ЭКсПО-2017-ге жастардың волонтер ретінде қатысуы маңызды екенін атап өтті.
