• Главная
  • Ғылым мен техника саласындағы мемлекеттік сыйлықты тағайындауда басты өлшем инновация – сарапшы
18 декабря, 2015 12:49

Ғылым мен техника саласындағы мемлекеттік сыйлықты тағайындауда басты өлшем инновация – сарапшы

Әл-Фараби атындағы ғылым мен техника саласындағы мемлекеттік сыйлық лауреаттарын анықтауда басты өлшем инновация болып табылады, деп хабарлады ҚР білім және ғылым вице-министрі Тахир Балықбаев ОКҚ-дағы баспасөз конференциясында.
Ғылым мен техника саласындағы мемлекеттік сыйлықты  тағайындауда басты өлшем инновация – сарапшы

«Бұған дейін мемлекеттік сыйлық ғылыми зерттемелерді жүзеге асыруға негізделген болатын. Басты бағыт ғылыми зерттеулер болды. Алайда ағымдағы жылы ғылыми зерттеулердің нәтижесіне басымдылық берілді. Яғни, Мемлекет басшысы лауреаттарды іргелі және қолданбалы ғылыми зерттеулер саласындағы зор табыстары үшін, түбегейлі жаңа өнімдер мен технологиялар жасап, оларды экономикалық және әлеуметтік тиімділікті қамтамасыз ететін түрлі салаларға енгізу бағытындағы ғылыми-технологиялық және инновациялық қызметтерінің мойындалған нәтижелері үшін  марапаттады», - деді Т. Балықбаев.

Естеріңізге сала кетейік, Ақордада 2015 жылдың 14 желтоқсанында әл-Фараби атындағы Ғылым мен техника саласындағы мемлекеттік сыйлық лауреаттарын марапаттау салтанатты рәсімі өтті.