Ақтөбе қалысында жаңа өрт сөндіру бөлімі ашылды
Салтанатты ашылу рәсіміне ҚР ІІМ аумақтық бөлімшелерінің басшылары, азаматтық қорғау органдарының ардагерлері, Ақтөбе облысы Төтенше жағдайлар департаменті гарнизонының офицерлік құрамы қатысты.- Қазіргі кезеңде белең алған дағдарысқа қарамастан, біздің Елбасымыздың сындарлы саясаты арқасында елімізде болып жатқан бүгінгідей оқиғаның куәсі болып тұрғанымды мақтаныш етемін, - деп сөзін бастады В.К. Божко.
«Бұл кездейсоқ емес, өйткені мемлекет үшін басты міндет және қамқорлық – өз азаматтарының қауіпсіздігін қамтамасыз ету. Ал азаматтарды төтенше жағдайлардан қорғауды қамтамасыз ететін адамдар үшін басты міндет – өрт сөндірушілердің төтенше жағдай орнына тез арада жетуі. Жаңа өрт сөндіру депосы өрт сөндірушілердің жедел және жұмыла жұмыс жасауын арттыруға мүмкіндік тудырып, материалдық залал мен адам өлімін азайтуға жағдай жасайтынына сенімім мол».
Ақтөбе облысының әкімі Б.М. Сапарбаев шараға қатысушылардың барлығын тәуелсіз Қазақстанның басты мерекесі – Тәуелсіздік күнімен құттықттады.
«Республикалық бюджет қаржысына салынған жаңа өрт сөндіру депосы уақыт талабына сай. Жергілікті бюджеттен де біз өз тарапымыздан өртке қарсы қызметті және жалпы төтенше жағдайлар органдарын нығайту үшін мамандандырылған техника алуға көмек көрсететін боламыз», - деп атап өтті.
