• Главная
  • ҚР ҚК-нің әскери қызметшілеріне Астанадағы пәтерлердің кілті табыс етілді (ФОТО)
18 декабря, 2015 16:38

ҚР ҚК-нің әскери қызметшілеріне Астанадағы пәтерлердің кілті табыс етілді (ФОТО)

Елбасы – ҚР Тұңғыш Президенті атындағы Ұлттық қорғаныс университетінің әскери қызметшілеріне пәтерлердің кілті табысталды. Жаңа тұрғын үй арнайы жоғары оқу орнының профессорлық-оқытушылар құрамы үшін салынды, деп хабарлады Қорғаныс министрлігі.
ҚР ҚК-нің әскери қызметшілеріне Астанадағы пәтерлердің кілті табыс етілді (ФОТО)

Бұл баспанаға 232 отбасы орналастырылады. Әскери қызметшілердің отбасы құрамына байланысты пәтерлер әртүрлі шаршы метрдегі 1-2-3-4 бөлмелі, абаттандырылған және ішінара жиһаздандырылған. Тұрғын үйдің ғимараты Ұлттық қорғаныс университетінің аумағында орналасқан. Қазір әскери қызметшілер өздерінің жаңа үйлеріне көшуде.

 «Пәтерлер кең, жылы, таза және онда өмір сүруге, отбасы, балалар үшін барлық қажетті дүниенің барлығы бар», - деп ағынан жарылды жаңа қоныстанған адамдар.   Университеттің аумағында 306 пәтерлі абаттандырылған жатақхана да бар. Бұл жатақханада Ұлттық қорғаныс университетінің уақытша құрамы, яғни, магистранттар тұрады. 

Баспанамен қамтамасыз ету еліміздің Қарулы Күштерінің әскери қызметшілерін әлеуметтік қамтамасыз ету аясындағы ҚР Қорғаныс министрлігі қызметінің басымдық бағыты болып табылады. Тұрғын үй мәселесін шешу үшін 2015 жылы күрделі құрылыс пен сатып алу, сондай-ақ қордағы баспананы жөндеу жолымен 2015 жылы офицерлер мен келісімшарт бойынша әскери қызметшілерге жалпы ауданы шамамен 92 580 шаршы метр 1 324 пәтер көзделген.

Сонымен қатар, өткен бес жыл ішінде Қазақстанның әр қалалары мен өңірлерінің бөлімдерінде қызмет атқарып жүрген 6 300-ден аса әскери қызметшінің тұрғын үй мәселесі шешілгенін айта кеткен жөн.