Талдықорғанда мүмкіндігі шектеулі жандарға арналып жабдықталған заманауи автобустар жолға шықты

18 Желтоқсан, 2015 12:09

Тәуелсіздік күні қарсаңында Талдықорған қаласының әкімі Бағдат Қарасаев мүмкіндігі шектеулі адамдар үшін арнайы жабдықталған жаңа автобус бағытының жұмыс бастағанын мәлімдеді, деп хабарлады «Даму» қоры.

Жуық арада қосымша 10 автобус 5 бағыт желісі бойынша қала тұрғындарына қызмет көрсете бастайды.

Бұл «Бизнестің жол картасы 2020» бизнесті дамыту мен қолдаудың Бірыңғай бағдарламасы аясында Алматы облысында іске асырылған алғашқы жоба.

«Transtal » ЖШС компаниясы 2009 жылдан қала тұрғындары үшін жолаушылар тасымалында қызмет көрсетеді. Ал 2014 жылдан « БЖК -2020» бағдарламасының қатысушы.

«Transtal » ЖШС директоры Бақыткүл Сабазованың айтуынша: «Мемлекеттік бағдарламаға қатысу бізге 448 млн.теңге көлемінде инвестиция тартып, 44 жаңа автобус сатып алуға мүмкіндік берді. Осының есебінен біз қосымша жұмыс орындарын аштық. Қазір біздің компанияда 180 адам еңбек етеді».

Қазіргі уақытта «Transtal» ЖШС автопаркінде 100 аса автобус болса, оның 44-і жаңа.

Атап өту керек, өңірде ағымдағы жылы «Бизнестің жол картасы 2020» бағдарламасы бойынша 8,7 млрд.теңге сомаға кәсіпкерлердің 116 бизнес-бастамалары мақұлданды.

Барлық жаңалықтар