ХҚКО-ларда Тәуелсіздік күні 284 туу туралы куәлкті салтанатты түрде тапсырды (ФОТО)

17 Желтоқсан, 2015 13:56

Халыққа қызмет көрсету орталықтары Қазақстан Республикасының Тәуелсіздігі күнінің қарсаңында дүниеге келген балаларды құттықтады. ХҚКО қызметкерлері дәл шығару уақытында тура перзентханаларда туу туралы куәлікті салтанатты түрде табыстауды ұйымдастырды, деп хабарлады ведомство.

«Біз осы іспеттес акцияны бұған дейін кейбір қалаларда өткізген болатынбыз, алайда бүгінгі іс-шара айтарлықтай кең ауқымға ие болып отыр, оған Халыққа қызмет көрсету орталықтарының 114 бөлімі қатысты, біз барлық Қазақстан бойынша перзентханаларда 284 құжат табыс еттік», - деп айтып өтті «ХҚКО» РМК бас директоры Әсемгүл Балташева.

Баланың туылуын тіркеу жөніндегі мемлекеттік көрсетілетін қызметі жергілікті атқарушы органдар мен Халыққа қызмет көрсету орталықтары арқылы ресімделеді. Оны алу үшін ата-ананың жеке куәлігі, неке қию туралы куәлігі, туу туралы медициналық куәлік немесе туу туралы фактіні анықтау туралы сот шешімінің көшірмесі талап етіледі. Қызмет 2 жұмыс күні ішінде тегін көрсетіледі.

«Әдетте, туу туралы куәлікке тапсырыс беру үшін ХҚКО-ға ата-ананың бірі жүгінеді. Мереке аясында біз өтініштерді өзіміз қабылдадық және құжаттарды дәл перзентханадан шығару кезінде жеткіздік», деді Балташева.

ХҚКО-лардың тууды тіркеуден басқа баланың туылуына және бала күтіміне байланысты жәрдемақылар тағайындауға сұрау салулар қабылдайтындығы баршамызға мәлім, ал «Connection point» өзіне-өзі қызмет көрсету секторы арқылы ата-аналар баланы балабақшаға кезекке қоя алады.

Айта кетейік, жылдың басынан ХҚКО-лар 327 мыңнан астам туу туралы куәлік берді.

Барлық жаңалықтар