Қазақстан тәуелсіздік жылдары айтарлықтай жетістікке жетті – депутат

«Тәуелсіздік жылдары Қазақстан өте көп жетістікке жетті, бұл орайда жетекшінің рөлі үлкен.Тәуелсіздік жылдары шағын және орта бизнесті дамытуға жағдай жасалды, орта таптың санаты пайда болды, ШОБ өкілдері бүгінде елдің дамуына үлес қосуда», - деді депутат.

М.Қазбекова атап өткендей, үлкен рөлді Елбасы атқарды.

«Қиын-қыстау кезеңде Елбасы ШОБ-ті қолдау, тексеру бойынша жедел шаралар қабылдады. Бүгінде қаржылық көмек көрсетіп жатқан жеке бағдарламар бар», - деді ол.

Сондай-ақ, М.Қазбекова атап өткендей, бүгінде Қазақстан гендерлік саясат бойынша ТМД елдеріне үлгі болып отыр.

«Бүгінде Парламентте 26 пайыз әйел жұмыс істейді, бұл Президенттің шешімі, әйелдер елдің жоспарын жүзеге асыруда айтарлықтай рөл ойнайды», - деді ол.

Индира Кауметова