Е.Ыдырысов: Қазақстанның сыртқы саясатының беріктігі мен көпвекторлылығын кетіп бара жатқан жыл дәлелдеді

15 Желтоқсан, 2015 20:08

Қазақстанның сыртқы саясатының беріктігі мен көпвекторлылығын кетіп бара жатқан жыл дәлелдеді, деп ағынан жарылды сыртқы істер министрі Ерлан Ыдырысов Қазақстан Республикасының тәуелсіздігіне арналған салтанатты шарада.

Министр дипломаттарды қазақстандық мемлекеттіліктің қалыптасуының сан ғасырлық тарихының маңызды датасымен құттықтап, әлемдегі тұрақсыздық жағдайында Қазақстан халқы өзінің егемендігін бұдан да жоғары бағалауы тиіс екенін атап өтті, делінген ведомствоның баспасөз қызметінің хабарламасында.

Министр атап өткендей, 2015 жыл тарихқа Қазақстанның Дүниежүзілік сауда ұйымына енген және әлемнің ірі экономикалары бізді мойындаған жыл ретінде енеді.

Сонымен қатар министр ағымдағы жылы Қазақстан халқы Ассамблеясының 20 жылдығы, Қазақстан Республикасы Конституциясының 20 жылдығы, Ұлы Жеңістің 70-жылдығын, Қазақ хандығының 550 жылдығын атап өткенін тілге тиек етті.

Министірлік пен Қазақстанның шетелдегі мекемелері Мемлекет басшысының шетелге сапары жоғары деңгейде ұйымдастыра білді.

Е.Ыдырысов хабарлағандай, ЭКСПО-2017 халықаралық мамандандырылған көрмеге шет мемлекеттердің қатысуын қамтамасыз ету бойынша қыруар шаруа атқарылды. Бүгінде әлемнің 57 мемлекеті мен 10 халықаралық ұйымы көрмеге қатысатынын ресми түрде растады.

«Қазақстанның сыртқы саясатының беріктігі мен көпвекторлылығын кетіп бара жатқан жыл дәлелдеді», - деп түйді министр.