Мемлекет басшысы 2016 жылы Тәуелсіздіктің 25 жылдығын мерекелеуге дайындықты бастауды тапсырды
15 Желтоқсан, 2015 15:47
Тәуелсіздіктің 25 жылдығын тойлауға дайындықты бүгіннен бастаған жөн, деді Елбасы Нұрсұлтан Назарбаев «Астана Операдағы» Тәуелсіздік күніне арналған жиында.
«Біз осы жылдың көктемінде жарияланған Ұлт жоспарын жүзеге асыруға кірістік, біз оның бастамасын Тәуелсіздіктің 25 жылдығына ырымдап ұйымдастырдық. Меніңше, дәл бүгіннен бастап Тәуелсіздіктің 25 жылдығын мерекелеуге дайындықты басған жөн», - деді Елбасы.
Президент өз сөзінде, осы жылы Қазақстанда бірқатар маңызды шаралар өткендігін айтты. Оның бірі ғарышқа қазақстандық ғарышкердің ұшуы болып табылады.
«Бізде білімді, мобильді жастар өсіп келеді. Осы жылы Назарбаев Университетінде 50 жаңа жас маман дайындалып шықты. Қазақстан МАГАТЭ-мен бірлесіп халықаралық ядролық жанармай банкін құрды. Үшіншіден, біздің ғарышкер Айдын Айымбетов ғарышқа сапар шекті», - деді Нұрсұлтан Назарбаев.
