Н.Назарбаев: 1991 жылдың 16 желтоқсаны – Қазақстанның жаңа тарихы басталған маңызды дата
15 Желтоқсан, 2015 15:13
1991 жылдың 16 желтоқсаны – Қазақстанның жаңа тарихы басталған маңызды дата. Бұл туралы Қазақстан Республикасының Президенті Нұрсұлтан Назарбаев ҚР Тәуелсіздік күніне арналған салтанатты шарада хабарлады.
«Құрметті қазақстандықтар, салтанатты шараға қатысушылар Ұлы Даланың Ұлы мейрамы – Тәуелсіздік күнімен құттықтаймын! Біз бүгін егемендігіміміздің 25 жылына қадам басқалы тұрмыз. Әр ұлттың тарихнамасында жаңа тарихқа бастау беретін тағдыршешті даталар болады. Біз үшін ол 1991 жылдың 16 желтоқсаны болды. Бұл күні көк аспанда мәңгі жарық жұлдыз – Қазақстан Республикасы пайда болды», - деп ағынан жарылды ҚР Президенті.
Айта кетейік, 1991 жылғы 16 желтоқсанында Президент Нұрсұлтан Назарбаев қол қойған «Қазақстан Республикасының Тәуелсіздігі туралы» Қазақстан Республикасының Конституциялық Заңынан бастау алған.
Индира Кауметова
