ШҚО-да ҚР Тәуелсіздігі күні қарсаңында 18 нәресте дүниеге келді (ФОТО)
15 Желтоқсан, 2015 18:53
ШҚО-да ҚР Тәуелсіздігі мерекесі қарсаңында туыолған сәби аналары құттықталып, аймақ бойынша 10 перзентханада 18 туу туралы куәлік табысталды, деп хабарлады ШҚО ақпараттық орталығы.
Шараны ұйымдастырушы жергілікті ХҚКО филиалының басшылығы айтып өткендей, акция әр жыл сайын өткенімен, ағымдағы жылы ауқымды форматта ұйымдастырылған.
"Қазақстан бойынша шараға 114 ХҚКО қатысып, барлығы 284 туу туралы куәлік табысталды. Соның ішінде, ШҚО бойынша 18 сәби куәлікке ие болып отыр", – деді ШҚО ХҚКО филиалының директоры Азамат Емесболатов.
Айта кетсек, туу туралы куәлікті әзірлеу ұзақ уақытты талап етеді. Нәресте ата-аналары құжаттарды қажетті құжаттарды жинап әуреленбес үшін, барлығы алдын-ала әзірленіп, мереке қарсаңында табысталды. Жыл басынан бері ХҚКО 327 мың туу туралы куәлік берген.
