«ҚазАгро» жеке секторға 4 компанияны береді

15 Желтоқсан, 2015 13:15

Қазіргі уақытта Үкіметпен бәсекелес ортаға беруге (жекешелендіру) жататын компаниялардың тізімін бекіту (22 желтоқсанда) пысықталып, жоспарлануда, деді «ҚазАгро» ҰБХ»АҚ басқарма төрағасы Нұрлыбек Малелов ОКҚ-дағы баспасөз конференциясында.

«Жеке секторға беруге алдын-ала жоспарланған Холдингтің 4 еншілес компаниясының тізіміне: ҚазАгроҚаржы, Азық-түлік корпорациясы, ҚазАгроӨнім және Қазагромаркетинг кіреді. Бұл компаниялар, құрылған кезіндегі белгіленген өз міндеттерін іс жүзінде орындады», - деді ол.

«ҚазАгроҚаржы» АҚ көп бейінді қаржы институтынан лизинг компаниясына реформаланатын болады. Ол Ұлттық қордың қаражатын пайдаланатын инвестициялық қоржыннан босатылады, және бизнес-процестер құрады, осылайша Холдинг ҚазАгроҚаржыны бәсекелес ортаға өткізеді.

«2016 жылдан бастап Қазақстан Республикасының заңнамасынан «мемлекеттік астық ресурстары» деген түсінік алып тасталады, және тиісінше «Азық-түлік корпорациясы» ҰК» АҚ мемлекеттік астық ресурстарын басқару агентінің қызметін атқармайтын болады. Аталған функциядан айырылғаннан кейін, Азық-түлік корпорациясы астық нарығындағы көптеген астық трейдерлерінің бірі болып қалады, және осыған сәйкес, оны бәсекелес ортаға беру орынды болады», деді Н.Мәлелов.

Сондай-ақ, «Қазагромаркетинг» АҚ және «ҚазАгроӨнім» АҚ да бәсекелес ортаға беріледі, ол мемлекеттің ақпараттық-кеңес беру қызметіне және мал шаруашылығы өнімдерін сату нарығына қатысуын қысқартады.

Ботагөз Айтжанова

Барлық жаңалықтар